Imaynan Santa Rusamanta qilqahkunapis, wakin rihsikunapis willakunku hinan, kay santaqa watuh q'ayaman ima kanantapis. Chaytan pruphisiya ninku.
Luwis Bilbaw kunphisahninmi sinchita unqurusqa,hinaspanmi wahyachin Rusata paywan rimananpah. Santaqa Taytacha mañakuypin kashasqa, ichaqa puririnyá Bilkaw kurawan rimah.
Chay tukuy ima rimasqankupin tayta kuraqa khaynata tapuykun Rusataqa: Ususíy qanqa ñan watushankiña tukuy ima tapunayta. Kay unqusqaypin aswan aswanta yuyaymanashani wañuyniypi, Diyuspa ñawpaqinpi rixuriyniyta,nispa. Chaymanmi Rusaqa kutichin axnata: Yayáy, Diyuspa ñawpaqinpi rixuriy yuyaymanayqa ancha allinmi. Manan wañunkirahchu, aswanmá qhaliyapuspa Mamanchis Santa Mariyamanta sirmunta rimarinki, nispa. Hinayá hunt'arukun yaya Bilbawtahmi Nuestra Siñura del Rusariyumanta sumahta sirmuniyarun.
Chaymantapis pruphisiya rimaynintaqa rixurichinyá huh kutin "kustadu" unquywan, k'arah kunka ima kashaspa.
Yaya Bilbaw waturikusqa Rusata mana allin kahtin. Chaysi asirikuspa santa Rusaqa nisqa: Sinchi mana alinmi kashani, taytáy. Chaypis manan wañusahrahchu. Hisukristun mana kunan wañunayta munanrahchu. Chaysi allin, nispa. Chhaynayá hunt'akun chay rimasqanqa. Chaymi chay Bilbaw yayaqa Diyusman sunqu aswanta churakun.
 |
| Ancha wañu p'ítiypi rixurispan, Rusaqa sumah
sumahta tatirapun iskay chunka suhtayuh agustupi,
l6l7 watapi. Lima llahtaqa huh sunqun nin: Rusaqa Santan, nispa. Duminiku tayta kurakunaqa sumahtan apanku Rosah ayanta inlisankuman.Chaymi runakunaqa llinp'ayunku chay inlisaman. Kinsa p'unchay hunt'akunan kaman mana p'anpayta atinkuchu Rusah ayantaqa.Chaymantaqa p'anpakunyá Sala Capitular nisqah panpan uxupi. Chaypin Mello Franco, Brasilmanta hatun runa kayta qilqaran: "Kaymi Amerikapiqa aswan yallipah willka¨, nispa.
|
