Atuq yarqhaytaki

Atuqmari kasqa,
yarqhaytaki kasqa,
k'usillu rikuspa
llaqwararikusqa.

- Ayaw, yaw, k'usillu!
hampuriy makiyman.
Ayaw! Qamtapuni
mikhuyman wañuni.

- Ch'in kay! Uthurunku
wasaykipi kachkan -
Qhawarinankama
k'usillu chinkasqa.

Atuqqa phiñasqa
mask'aspa tukukusqa
pichqa p'unchawmanta
ñak'aymanta tarisqa.

Wayra k'usilluri
awqanta rikuytawan
pirqaman hukllata
q'imiyparikusqa.

Kunanmari yachanki
mikhuykusqaykipuni
Manañam huktawan
ayqiyta atinkichu.

- Pirqa ñat'uwasun
iskayninchik wañusun
kurkuman rinaypaq
q'imirikuy kayman.

Manchay manchasqalla
atuq q'imikusqa
K'usillu ripusqa
manam kutimusqan.

Atuq yarqhaytaki
qhasita suyasqa
Phiñay llukmarisqaq
k'usilluta mask'asqa.

- Ayaw, yaw, k'usillu
yacharichisqayki!
Yarqhay aswan hatun
qamtaq aswan misk'i!

- Tukuypis niwanku:
"Ancha tullu kanki"
Aychay mana kaptin,
imaywan saksanki?

Haqay sach'allaman
lluq'arqurikusaq,
Iskay rurullata
mikhuykurikusaq.

- Lluq'ay, riy, mikhumuy,
hurayk'ampuwaytaq -
Lluq'antaq, ruruwan
ñawinpi ch'amqantaq.

Atuq ñawsayasqa,
k'usillu ayqisqa.
Pichqa p'unchawmanta
wataqman tarisqa.

Waycha k'usilluri
allaq churakusqa:
- Ninachispa paranqa,
hina niwan anka.

P'ukru allachkani
p'ampaykukunaypaq,
Nina wañuptintaq
lluqsikampunaypaq -

Antayrupayaqta
patapi rikuspa,
Atuq mancharisqa
"hinachari" nispa.

- Ñuqapaqraq kachun
chay allasqa p'ukru.
Umay patapiñam
haqay nina phuyu.

K'usillu k'uchilla
p'ampaq churakusqa,
P'ampay tukuspataq
tususpa tukukusqa.

(Méndez-pa pallasqan willakuykunamanta).

Runasimipi Willakuykuna, Qillqasqakuna

Rapip qallananman


Last update: Jun 30, 2007. © runasimi.de.  The contents of this page may be distributed for non-commercial purposes, especially for spreading knowledge of the Runasimi language in the world and strengthening its position in its home lands. Please quote the original author (if not mentioned by name, write runasimi.de), and set a link to this page (write down URL, if texts or images of this page are used in printed version).