Kachi Wankaray Minapi

José Gonzales Castañeda

Kachi Wankaray minapi
sapallaypi llakisqayta
amam pipas yachanqachu.
Sampanqutu Apu Urqu,
qamllamanmi willakuyki.

Kachi sisan, kachi waqan,
llakisqayta qawarispa,
qaqamanta tuñiq rumi.
Awki pikup wichichisqan,
qamraqmiyá llakiwanki.

Pachamamap sunqunmanta
sipulturanmanta hina
paqarimuq runakuna,
willaykuway, chay ukupi
kusi kawsay kanchu, chayta.

Imatataq willasqayki?
Sunquy kirisqam llamkani
tutatapas punchawchaspa.
Kukallaywan quqawchaspa
kallpaytam tukullachkani.

Sukawun pikip pachanpi
wira michawan akchisqa
llamkaq masiy runakuna,
takay astawan nanaqta,
ñawiykita kicharispa,
takay astawan nanaqta,
ñam inti lluqsimuchkanña.

Rimaypas takiypas José Gonzales Castañeda-pa rurasqan, mana riqsisqay watapi
(Texto y música: José Gonzales Castañeda)

Ofrenda - Wamanga plasapi bombacha tuqyachkan (Carlos Falconí / Manuelcha Prado)

¡Viva la Patria! (Carlos Falconí / Manuelcha Prado)

Intita Killatapas napaykuna takikuna

Urpichata uywasqamanta khuyay takikuna

Runasimipi Willakuykuna, Qillqasqakuna

Rapip qallarinanman


Last update: 20 Feb 2017. © runasimi.de.  The contents of this page may be distributed for non-commercial purposes, especially for spreading knowledge of the Runasimi language in the world and strengthening its position in its home lands. Please quote the original author (if not mentioned by name, write runasimi.de), and set a link to this page (write down URL, if texts or images of this page are used in printed version).