Sumaq t'ika, sumaq chukcha,
Llump'aq thatki, ch'aska ñawi;
Rit'ip sisan wiñay k'anchaq,
K'anchaq kiru, wayruru simi.
Hump'illanpi llansisqaña
Waylluqniyki chayakamun;
Sunqullanri kusisqaña
Qinchaykiman phawakamun.
Kunanraqmi qhawariyku
Ch'uya unu puririsqanta;
Hinataqmi ch'awariyku
Ñawpaykipi tanta tanta.
Sumaq T'ika Mamaykuri,
Kunanmanta hinañiqman
Qampas qhali Yayaykuri,
Uywawayku qhipañiqman.
Sumaq phanchaq quri t'ika,
(Ancha qhapaq kayniykipi)
Munay qhasñu k'anchaq llika,
Chaskiwayku sunquykipi.
Awkillaykup kamachinta
Hunt'amuyku ñaraq wañuy
Sunquykiri waylluyninta
Munarqaykiku chhika q'uchu.
(Nicanor Jara-p qillqasqan 1899 watapi).
Runasimipi Willakuykuna, Qillqasqakuna
Last update: Jun 30, 2007. © runasimi.de. The contents of this page may be distributed for non-commercial purposes, especially for spreading knowledge of the Runasimi language in the world and strengthening its position in its home lands. Please quote the original author (if not mentioned by name, write runasimi.de), and set a link to this page (write down URL, if texts or images of this page are used in printed version).