Tarma: Urqu q'asantinpa hiwayan


Virnis Santupiqa Hisukristun hatun prusishunpi pupirin Ayak'uchu llahtataqa. Chay k'itipin kashan kinsa chunka kinsayuh inlisakuna.
Tarma llahtaqa ancha munaymi. Chaymi chay Hunin suyu k'ititaqa harawi simipi "Urqu q'asantinpa hiwayan" nispa sutiyanku. Chay suyupipas kanmi Simana Santa, Ispañah Siwilla llahtanpi hinarah. Urqukunapis, tukuy ima chaxrakunapis, t'ikawan sumah waytasqan rixuripun.Runatahmi Diyus sunqu kayninpi manchay taytachakuna, mamachakuna ima munah rixuripullantah.

Mamacha Dulurismi qallarichin prusishunninwan Simana Santa raymitaqa. Chay mamanchispa uyanmi manchay waylluna, sinchi sunqu suwa kayninpi. Chay hina uyaqa sasa tariymi.

Huh llahtakunapi hinan chay suyupipas Simana Santaqa aswan yupaychana rixurin. Taytacha Santu Sipulkruh puri puririyninwan. Chay Tarma llahta suyupin qallariran t'ika mast'ariy kallikunapi, lasakunapi taytachah, mamachah saruyunanpah. Chaypis rumiru, arrayan, hiraniyu, alilí nisqa mallkikunah k'allmanpis rixurillantah.


Alfunbra ruwaypiqa lluymi llank'ayunku. Wawakunapis, wayna sipaskunapis, machu payakunapis chaypahqa mink'arukunkun.

Ayak'uchu lasapin runakunaqa Hisukristuta tik'awan llinp'irushanku.
Chay Simana Santa uxupiyá yallinakuy rixurin, pichá aswan allin 'alfonbradata" awarun chay rihsinankupah. Chaymi hinantin hawa hawa llahtachakunamanta Tarmamunku mixunantin, uxyanantin ima. Tutataqa chay t'ika rakirihqa q'uñi chatuchapin uxyayunku "q'uñichata". Kastillanupin chayta sutiyanku "calientito" nispa.

Chaytaqa ruwankun tiywan, limunwan, trawuwan ima. Chhaynan simanantin kawsanku "Risurrixiyun Dumingu" chayamunan kama.


Simana Santa | Ayak'uchupi | Qusqupi | Tarmapi | Waraspi Ima