Acta Original nisqa Limah Kamarikusqanmanta
|
Kay axllaqa qilqan willakushan imaynatas Lima kamarikuran musuh llahta hinas chayta. Chay qilqapin kashan kikin Francisco Pizarroh, huh runankunapuwan siq' in. Huh k'itikunah kamarikusqanqa, Truxillu, Wanuku, Arequipa llahtakunahqa manay'a rixurinpaschu kunankama. Chay raykuy'a mana yachakunchu ima simiwansi kamarikuranku chaytaqa.
|
Kaymi Lima llahtah Acta de Fundacionnin Francisco Pizarrohpa kamarirapusqasqan (Runa Simiman t' ixrasqa)
|
||
|
Chaymantaqa kikin Lima llahtapin, chunka pusahniyuh iniru
killa p' unchaypi, chay yuyarisqanchis watapi, wiraqucha Gobernador, nuqa escrivanoh, testigokunah ima ñawpaqinpi qilqakunata qhawarichispa, khaynata nin: imaynan chay raura llahta (Xauxa) mañakun hinan Justiciawan, Regimintuwan kuska, kamachini Rui diaz, Juan Tello, alonso martin de don benitotawan tukuy ima qhawamunankupah
chay k`itipi llahta sayarichinapah, chaywanpis purinkun Lima kurakapuwan, hinaspas tukuytapis tapumunku chay llahta sayarinanmanta. Kunantahmi riki chayman yapayukun Alonso Riquelme tesorero, garcia de salzedopuwan, Rodrigo de macuelas ima. Paykunaqa `oficiales de su magestad'nisqan kanku. Macuelastahmi "veedor de dicho Regimiento" nisqa. Paykuna purikacharamunku Lima kurakawan askha kutita chay kurakah allpankunata hinaspanmi tarimunku sumahtaqa kurakah tiyasqan k`itita, mayuh sispanpi. Chay allpakunayà kusapuni llahtakuna, tiyanakuna sayarichinapahqa, tukuypis chaypi allin tiyanankupah, mirarinankupah ima wiñaypahpuni imaynan yuyaymanan `su magestad" nisqa kusapuni kay llahtakuna rixurinankupah, chaymantapis kikin kurakawan, runankunawan ima Santa Religionninchista rihsinankupah, chaymantapis "nuestra sancta fee cathòlica nisqatapis uyninankupah. Chaymi, magestadesninchispa sutinpipuni, governador, capitan generalnin hina kay llahtakunamanta, allintapuni kay k`itita qhawarispa, allintatah chay oficialkunah willakusqanta chaninchaspa, Rodrigo de macuelas kaypi kashahtyin, kamachirani, kamachinitah kunanpis kayta: raura llahtaqa, hinallatah san gallan llahtapis, manan allin axllasqachu kanku. Chay raykun kay suyuman hanpunanku. Ima rayku. Chay rawra llahtaqa sinchi urqukunah patanpin kashan, chayqa manayà allinchu. Chaymi chay llahtaqa sayarichikun huh musuh allin k`iti tarina kama. Chaypis chay rawra llahtaqa sayariranmi chay urqun q`asanpi, khaynata yuyaykuspa: kay umalli llahtaqa huh musuh k'itimanmi, aswan allin kahtinqa, astakapunqa chay raykun chay llahtakuna rayku musuh kamariy unanchakun, Chaymi manaña chay llahtakunaqa umalli kanqakuchu. Chaytahmi kamachini kunanmanta pacha kay llahtah cibdad de los Reyes nisqa sutiyakunanta, chaytahmi ruwakun Santísima trinidadpa sutinpi, padre, hijo ispiritu santuh kinsantinpa sutinpi, paykunatahmi riki huh sapallan chiqah Apu, paytahmi riki ima kahmantapis qallariynin, tukuy ima kamarih. Mana pay kahtinqa manay;a imapis ruwakunamanchu allinña kaspapis, qallarinmanllapaschu, nitah kay kikin qhipanmanpaschu. Chay Apuyá (Diyus) tukuy imah qallariynin chaymi may llahtapis Diyuspipuni, pay raykupuni, paypa sutinpitah imatapis qallarina inlisanta llut;aykuspa. Chayllatahmi kay llahtaqa siq'ispaqa inlisata kamarikun chaypa sutintahmi kanqa nuestra señora de la asunción. Chaytan governador e capitan general de su magestad destos dichos Reynos kasqaypi, chay llahtah kayninta sayarichisqaypi, tukuy imatapis inglisa ruwakunanpah kamarisqaypi, churaykuni primerta piedra nisqata, kurkukunatapis chay inlisa llut'akunanpah. Chaytatahmi ruwani ruwani, hap'ini ima Magestadespa sutinpi, paykunah sutinpitah tukuy imatapis hap; ipusahnchis chayqa, ñarah mama qucha uxunpipas, ñarah allpakuna tarimusqaykupipas, qhipaman tarimusahku chaykunapipas. Chaymantaqa rakirunyá tupu tupu allpakunata chay llahta runakunaman imaynan rikunqa chay llahta siq'ikuypi hina. Chayqa ruwakunmi Taytanchispa sutinpi, ancha unanchasqa mamanpa sutinpuwan. Kay llahtayá hatunpuni kanqa aswantatah thaskirinqa chaymantapis, tukuy imatan waqaychanqa, yapayunqa iman qhapah kaynintapis chaymi kamarikushan santa fe catholicamanta sayarinanpah, hatunyachinanpah, rakirinanpah. Kay iniy kay runakunah uxunpi mana Diyus rihsikunapahqa, kunan kama mana yachachiynin hamut'ahkunapahqa, allinyá kanqa chiqah doctrina nisqaman chayanankupah, chaymantapis chayta yananchakuspan qispinqaku tukuy ima watiqaymantapis, mana allin kayman mana urmanankupah,awqankuh makinmanta qispisqa kanankupah. Chaymi llapapis suyan majestad kamachikuh tukuyta yachaspa kay llahtah kamarikusqanmanta, chaninchapunqa kay llahtata nuqa paypa Real sutinpi sayarichisqayta, chaywan riki qhapahyachinqa askha "mercedes" nisqawan saminchananpah aswan axllasqa rixurinanpah chaywan riki kay llahtaqa sumahta yananchanqa pay kikin majestadta, gobernadortapis oficialkunatapis. Chaymi kay qilqata Domingo de la Presa, Magestadpa escrivanonpa ñawpaqinpi, kay qilqapi sdiq;iyunku firmankuta, Lima kurakapuwan kuska, testigo hina Rui d;iaz, Huwan Tellopuwan rixurishahtinku.
Alonso Riquelme Garcia de Salcedo Rodrigo de Mazuelas |
||
|